Mesfushori i njohur, Ansi Nika ka nisur një eksperiencë të re në Supeligën e Kosovës te skuadra e Gjilanit. Ai ka patur një karrierë të pasur në Superligën shqiptare, ku ka qenë pjesë e shumë skuadrave në vendin tonë.
Kukësi, Tirana, Vllaznia,Teuta dhe para largimit në Kosovë, ka qenë pjesë e skuadrës së Laçit. Nika ka treguar disa detaje interesante në një intervistë të shkurtër të dhënë ekskluzivisht për Newsport.al, ku tregon për ndryshimin e ambientit, pa lënë pas dhe një analizë të shkurtër të arsyes së largimit të tij nga Kurbinasit, vendim që ai thotë se e ka marrë për të nisur një eksperiencë të re jashtë Shqipërisë.
– Nga superliga shqiptare në Kosovë, pse kjo zgjedhje?
Po, është e vërtetë, zgjodha Gjilanin duke parë se në Kosovë është rritur shumë futbolli.
– Para firmosjes së kontratës me Gjilanin ju keni qenë pjesë e Laçit, dëshiruat vetë të ndërronit ambient apo ishte vendim i marrë nga drejtuesit kurbinas?
Apsolotisht, i kërkova vetë klubit të Laçit të largohesha për një eksperiencë tjetër jashtë Shipërisë.
– Ndryshimi mes Shqipërisë dhe Kosovës, a mund të na zbuloni diferencën?
Në Kosovë është një ambient fantastik. Çdo gjë korrekte, si nga ana profesionale ashtu edhe financiare. Jam shum i kenaqur. Dallimi mes Kosovës dhje Shqipërisë është shumë i madh. Duhet të them është një nivel më lart Kosova, jo vetëm në futboll por edhe nga ana e korrektesës.
– Ju keni qenë pjese e Laçit, Kukësit, Tiranës, Vllaznisë dhe Teutës, a mund të zgjidhni skuadrën për të cilën keni një vlerësim apo simpati të veçantë?
Në Shiqipëri jam me Teutën, pavarësisht se dëshira ime është të shapallet Tirana kampione.
– Superliga shqiptare këtë vit, kë shikoni si skuadrën favorite?
Mendoj dhe dëshiroj ta fitojë Tirana.
– Objektivat e klubit te Gjilanit për këtë edicion, mendoni se do ia dilni të shpalleni kampion në fund të sezonit?
Po, kemi bërë një ekip shumë të mirë dhe objektivat minimale janë Kupat e Europës, pse jo të dalim edhe kampion. /NEWSPORT.AL/
Loading ...
