Kastrioti ka bërë një start sezoni shumë të mirë, pasi në takimin e parë mundën Luftëtarin në Gjirokastër. Ideatori i këtij ekipi është Elvis Plori, i cili ka krijuar një ekip shumë të mirë edhe pa afrime të bujshme. Në një intervistë për Newsport.al, tekniku tregohet me “këmbë në tokë”, kur thotë se skuadra nuk duhet të kalojë në eufori.
Më tej Plori shton se Kukësi mund të jetë ekipi që mund të shpallet kampion, mirëpo varet si do të administrojë ndeshjet që do të luajë në “Elbasan Arena”.
– E keni nisur shumë mirë kampionatin, e prisni që do të merrnit fitore në Gjrokastër?
Duke e ditur dieferncën e Luftëtarit dhe pa e ditur forcën e ekipit tim në Superligë, para ndeshjes isha i kënaqur edhe me 1 pikë, por si rrjedhojë e lojës në pjesën e dytë u kërkova lojtarëve për të marrë 3 pikët dhe ia dolëm dhe jemi shumë të kenaqur.
– Tashmë si kundërshtar keni kampionët në fuqi përballë. Si e keni përgatitur ndeshjen anti-Skënderbe?
E dimë se Skënderbeu është një skuadër e mirë. Ne do mundohemi që të marrim më të mirën. Do mundohemi të mos lëmë hapësira në fushë dhe do synojmë të marrim një pikë përballë kampionëve. Kemi entuziazëm, por nuk duhet ta lëmë të kaloj në eufori, kjo është ajo që u kërkoj lojtarëve para, gjatë dhe pas ndeshjes.
– Duke qenë se jeni përballë korçarëve këtë javë, mendoni se Skënderbeu do e ndiejë pesimizmin dhen uk është favrit nga vendimi që ka marrë nga UEFA
Duke u bazuar te ndeshja e parë mes Skënderbeut dhe Partizanit, e kam parë me shumë vëmendje dhe them se nuk do e ndiejë fare këtë pjesë. Ato kishin një ekip agresiv në fushë. Janë lojtar të rinj dhe kanë shumë për të dhënë dhe për të treguar në fushë. Them se nuk do të ndikojë fare në fillimin e kampionatit.
– Kush është pika më e fortë dhe më e dobët e ekipit tuaj?
Mendoj se pika më e fortë e skuadrës time është grupi. Lojtarët janë shumë të bashkuar me njër-tjetrin, ndërsa pika më e dobërt është se pjesa më e madhe e lojtarve është se nuk kanë minutat e duhura në Superligë, mungesa e eksperiencës.
– Nga ajo që keni parë deri më tani, mendoni se skuadra i ka të qarta idetë tuaja në fushën e lojës, apo ka nevojë akoma për përmirësim në këtë drejtim?
Për sytë e trajnerit gjithmonë skuadra ka për t’u përmirësuar. Them se në ndeshjen e parë ato e kanë kuptuar mjaft mirë se çfarë idesh kamë unë në kokë dhe çfarë kërkoj nga skuadra. Deri më tani është shumë shpejtë për të folur, por kemi akoma për t’u përmirësuar për të qenë më kompetitiv.
– Shumë trajner thonë që duhet ende kohë për ta parë skuadrën në formë, por në fakt ndeshjet kalojnë dhe pikët mbeten pas. Ju sa kohë iu duhet për të parë Kastriotin më të fortë?
Ne si skuadër na është bashkuar edhe lojtari i Kukësit, javën tjetër do të kemi një tjetër lojtar, i cili do i bashkohet grupit. Mendoj që Kastrioti më i fortë do të jetë kur të “shkrihet” distanca kohore e këtyre lojtarëve për t’u përshtatur me grupi. Atëherë do të kemi një Kastriot më të fortë.
– Keni ndonjë të dhënë për numrin e tifozëve që do të jenë në stadium nesër, duke qenë se luani në shtëpi ndaj kampionëve?
Nuk e kam të sigurt, por them se ka sensibilizim dhe stadiumi do të jetë i mbushur me aq kapacitet sa ka.
– Cilën skuadër shihni si favorit për ta fituar kampionatin këtë vit?
Gara është interesante, sepse do ketë disa skuadra që pretendojnë titullin, por do të thoja Kukësi, megjithatë nuk jam i bindur nga ndeshjet që do i zhvillojë jashtë fushës së vetë.
– Me cilën skuadër është tifoz Elvisi, qoftë edhe me një ekip jashtë vendit?
Jam një tifoz i Spanjës dhe i Barcelonës që në moshë të vogël. /NEWSPORT.AL/
Loading ...
