Hapësire reklamuese

Çështjet kryesore

ARKIVA

INTERVISTA/ “Iliri në punë është kërkues, në jetë e kam shok”, rrëfimi i veçantë i Glen DAJËS: Ju tregoj “aventurën” time te Ballkani

Shkruar nga NEWSPORT
INTERVISTA/ “Iliri në punë është kërkues, në

Është rritur me frymën e kampionit të babait të tij dhe në karrierë ka zgjedhur të njëjtën karrierë. Glen Daja, trajneri i ri që ka nisur të ngjisë shkallët një e nga një tashmë ndodhet në Kosovë, pjesë e stafit teknik të Ballkanit.

Në një intervistë enkas për Newsport.al, Daja i “vogël” zbulon aventurën me kampionët e Suharekës, me të cilët provoi edhe grupet e Conference League. Me një “timonier” si Iliri puna është sa tërheqëse, por edhe duhet të jesh mjaft korrekt.

Si është marrëdhënia e Glenit me babain? Këtë e tregon në intervistë, ndërsa në fund bën edhe një parashikim për Kupën e Botës.

- Nga moshat tashmë si një ndihmës trajner në një skuadër si Ballkani. Si po shkon karriera jote në Kosovë?

Jam shumë i lumtur për këtë eksperiencë sepse jam përshtatur shumë shpejt me këtë ambient këtu. Kjo sigurisht falë djemve të skuadrës që përveç se janë lojtarë shumë të mirë, janë edhe djem të mrekullueshëm.

- Ballkani është një nga ato të paktat skuadra që kanë bërë histori në Europë. A ishit i emocionuar teksa prekët për herë të parë atë skenë?

Patjetër që emocionet janë të pranishme kur bëhet fjalë për grupet e Europa League. Por, për këtë dua të falënderoj kryesinë e Ballkanit të cilët më bënë pjesë të këtij projekti.

- Si është të punosh me babain?

Për mua është hera e dytë që punojmë bashkë sepse kemi qenë në skuadër dhe te A.F Dinamo te U-19 dhe besoj se e di se çfarë kërkon.

- Më i rrepte profesori në jetë apo në punë?

Në jetë raportet i kemi si shokë, kurse në punë është më kërkues do të thoja.

- Emri i tij është lakuar dhe për kombëtaren shqiptare. Ndoshta jeni në konflikt interesi, por si profesionist. Si do ta ndryshonte Ilir Daja ekipin përfaqësues?

Të tregohem i drejtë Kombëtarja është arritja më e madhe për një trajner. Por, nuk mund të them se çfarë do të ndryshonte sepse duhet të jesh i brendshëm që t’i përgjigjesh kësaj pyetje.

- Dalëngadalë keni nisur të ngjisni shkallët e karrierës. Ku do t’iu shohim në të ardhmen?

Puna e trajnerit është e paparashikueshme. Është si futbollit dhe asnjëherë nuk i dihet, por shpresoj të bëj sa më mirë.

- A do të ishit i gatshëm të drejtonit një ekip Superioreje?

Momentalisht jam i fokusuar tërësisht te Ballkani dhe nuk e kam menduar.

- Nga ndryshon kampionati shqiptar me atë kosovar?

Nuk ka shumë ndryshime do të thoja në cilësi sepse kampionati këtu ka ecur me hapa të mëdha. Këtë e dëshmojnë arritjet e Ballkanit në Europë. E vetmja gjë që ka mbetur për t’u përmirësuar janë stadiumet.

- Meqenëse jemi në periudhën e Botërorit, me cilën skuadër bën tifo?

Tifozllëk bëj për Anglinë.

- Cili ekip sipas jush është fituesi i këtij trofeu të rëndësishëm botëror?

Shpresoj ta fitojë Anglia, megjithëse ky kampionat po tregon që nuk ka ekipe të vogla dhe është i paparashikueshëm. /Retin TOKA/ 

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga