Lautaro Martinez është një nga lojtarët më të kërkuar nga ekipet “big”. Argjentinasi është një lider i padiskutueshëm te Interi, teksa mban në krah edhe shiritin e kapitenit.
Për “Demin” interesimet janë të shumta , me zikaltërtit që kanë bërë hapa para për rinovimin e kontratës. Drejtuesit e Interit nuk dëshirojnë të humbasin shërbimet e tij dhe në këto kushte kanë bërë gati kontratën e re për kampionin e botës.
Në merkaton e janarit do të vendoset e zeza mbi të bardhe, e kontratën e re që do të zgjatej deri në vitin 2028. Nga kjo kontratë argjentinasi do të përfitojë 7 milionë euro neto në sezon. Kujtojmë se kampioni i botës në merkaton e verës që kaloi refuzoi Barcelonën dhe Real Madrid, teksa i tha “JO” edhe Lionel Messit për kalimin te Inter Miami.
Kampioni i botës në këtë sezon ia ka dalë të shënojë 13 gola në 14 ndeshje në të gjitha kompeticionet ku ka luajtur.
Lexo gjithashtu
