Vllaznia ia doli të mposhte Kukësin në “Kukës Arena” me shifrat 1-0, teksa vendimtar me golin e fitores ishte Esin Hakaj.
Ky gol ishte i veçantë për autorin pasi realizoi një gol spektakolar nga hyrja e zonës, por erdhi edhe me këmbën e djathtë, pasi siç dihet Hakaj është një mëngjarash.
Por ky realizim ka dhe një tjetër detaj interesant që e bën të veçantë. 25-vjeçari u bë shkodrani i parë për këtë sezon që arrin të gjejë rrugën e rrjetës me fanellën e Vllaznisë, pasi deri në javën ë 11-të të “Abissnet Superiore” nuk ia kishte dalë të gjente golin asnjë shkodran që mban veshur fanellën e kuqebluve.
Një lajm i mirë ky për Mirel Josën që shikon tashmë që lojtarët shkodranë të zhbllokohen dhe të jenë edhe vendimtar me golat e tyre, siç ishte dhe Hakaj, i cili më pas mori edhe ftesën e Edy Rejas për miqësoren me Katarin.
Lexo gjithashtu
