Kategoria e Parë zhvilloi ditën e somte disa nga takimet e javës së 9-të. Lushnja dhe Luzi u ndeshën në sfidën e cila u mbyll me rezultatin 2-2. Një takim që veç golave të shumtë solli dhe një incident të rëndë për futbollin tonë. Pak para përfundimit të pjesës së parë kur rezultati ishte 0-2 për miqtë, në tribunën qendrore ka plasur një sherr i madh me disa tifozë të dy ekipeve që janë përleshur me grushta e shkelma. Ndeshja u ndërpre për disa minuta deri sa situata u vendos nën kontroll për të vijuar më pas normalisht sfidën. Situata e pakëndshme në fushën e blertë si duket ka ndikuar edhe në tribunë me tifozët lushnjarë që po kalojnë një periudhë jo të mirë. Pas kësaj ngjarje ka qenë vetë klubi i Lushnjës ku me anë të një postimi në rrjetet sociale ka reaguar për këtë incident të krijuar: “Etiketohemi shpesh si popull i butë dhe i qetë dhe në të vërtet ashtu jemi , jemi popull mikpritës , popull që në çdo ndeshje tifozët kundërshtarë i mirëpresim pran nesh midis tribunës , dhe si gjithmonë këtë mirësi na e marin për dobësi. Siç ka ndodhur përherë , me Kukësin , Partizanin , Peqinin apo ndonjë ekip tjetër ndodhi dhe sot ku disa tifozë të Luzit provokuan vazhdimisht në tribunën kryesore ... Lushnja mirëpret këdo , por nuk fal kur preket dhe shkelet mirësia jonë ... Lushnja e ka shum të shenjtë futbollin dhe duhet respektuar nga çdo tifoz që vjen në "Roza Haxhiu" ndryshe ndodhin kto që ndodhin ... Nuk jemi krenar për episodet e tilla , por "ZOT" në shtëpinë tonë ska dal akoma ajo tifozeri që ta bëje ... dhe ska për ta bërë kurr asnjë ... #forcaLUSHNJA !!”

 

View this post on Instagram

 

A post shared by KF Lushnja (@kflushnja)