Vllaznia ka udhëtuar drejt kryeqytetit për t’u përballur me Partizanin në ndeshjen e kthimit të çerekfinales së Kupës së Shqipërisë. Ky takim do të luhet ditën e nesërme në stadiumin “Partizani” duke nisur që nga ora 17:00.
Mirel Josa në këtë sfidë do të ketë disa mungesa mjaft të rëndësishme. Përveç Esat Malës që është operuar dhe Liridon Latifit, listës së mungesave i është shtuar edhe sulmuesi Kaina. Sipas "Shkodra Sport" braziliani nuk është stërvitur me skuadrën ditët e fundit për shkak se po kalon një gjendje gripale, gjë e cila e ka bërë të pamundur gatishmërinë e tij për sfidën e me të kuqtë.
Padiskutim ky është një lajm i keq për Mirel Josën, pasi pikërisht braziliani ishte autor i dy golave në ndeshje e parë të fituar 3-1. Nga ana tjetër gëzohen te Partizani pasi kundërshtari vjen përballë tyre i “copëtuar” për shkak të mungesave.
Lexo gjithashtu
