Ardit Hoxhaj ishte autor i 2 golave në fitoren 4-1 kundër Laçit. Sulmuesi i Vllaznisë deklaroi për mikrofonin e Oversport:
“Jam i lumtur që kam arritur të shënoj 2 gola. Mendoj se ekipi ka kapur një formë të mirë fizike. Janë rikthyer shumica e lojtarëve. Shpresoj të vazhdojmë kështu. Me ardhjen e Balajt, shpresoj të na ndihmojë shumë për objektivat që ne kemi.
Golat me kokë? Dua të them që në momentin e parë që kam marrë goditje këndi, i kam thënë Markut që do të shënoj me kokë. Në atë moment nuk kisha lojtar që më markonte dhe shënova gola.
Garë me Tiranën dhe Partizanin? Jam shumë i lumtur për formën që po kalojmë si ekip. Kemi treguar një formë në rritje. Koha do të tregojë se çfarë jemi në të vërtetë. Do të jemi në garë për të dy kompeticionet. Nuk kemi frikë asnjë kundërshtar.
Leao i Vllaznisë? Shpresoj të shënoj sa më shumë gola. Nuk mund të bëj krahasime të tilla, është nivel shumë i lartë i futbollit”, tha ai.
Lexo gjithashtu
