Dibranët kanë bërë deri më sot 18 blerje, duke kompletuar skuadrën në portë, mbrojtje dhe në mesfushë. Pika kryesore ku trajneri Artan Mërgjyshi duhet të punojë mbetet sulmi. Normalisht, që është edhe pika më kyçe dhe strategjike e skuadrës për t'u përfaqësuar në sezonin 2016/2017.
Por, duke qenë se ende janë 7 vende boshe në skuadër, dibranët e kanë gati surprizën. Menaxherët e klubit po punojnë që në sulm të vijë një "bomber" i huaj, i cili do të bëhet prezent shumë shpejtë.
Sa i përket grupit, pothuajse është konturuar. Trajneri mbrëmjen e djeshme ka bërë edhe largimet e fundit, ku ka larguar katër lojtarë që nuk mund t'i shërbejnë skuadrës për të ardhmen. Normalisht, ata nuk mundën të bindnin stafin teknik, kështu që destinacioni i tyre ishte "porta".
Lexo gjithashtu
