Partizani do të luajë në transfertë ndaj Astanës ditën e nesërme, sfidë e vlefshme për “Play-Off”-in e Conference League. Një duel që do të startojë në orën 16:00 në “Astana Arena”.
Kjo është një arritje historike për të kuqtë, të cilët për herë të parë po tentojnë të sigurojnë edhe grupet e këtij kompeticioni. Të besuarit e Zoran Zekic do të tentojnë fitoren ndaj një kundërshtari në letër më favorit, por gjithçka është e mundur.
Mungesat edhe në këtë përballje janë të pranishme. Da Silva vazhdon të jetë i pezulluar, madje trajnerin nuk e ka grumbulluar fare. Sembene dhe Mensah janë gjithashtu të dëmtuar.
Por gjithësesi Zekic ka gati “kurthin” anti-Astana, teksa për shkak të mungesës së Atanaskovskit në mbrotje për arsye kartonësh i është dashur të ndryshojë prapavijën.
Formacioni i mundshëm: Qikro, Zekolli, Sota, Kacijan, Hadroj, Maget (Murataj), Mehmeti, Rrapja, Taipi, Grezda, Cara.
Lexo gjithashtu
