Argjentina u surprizua për keq mëngjesin e sotëm nga Arabia Saudite teksa u mposht 1-2 me përmbysje që erdhi për vetëm 5 minuta në fillimin e pjesës së dytë. Latinët shihen si favoritët për fitimin e Botërorit por sot rrezikojnë madje edhe kalimin në fazën tjetër pasi dy ndeshjet e rradhës janë ndaj kundërshatrëve shumë herë më të fortë se arabët. Trajneri Scaloni foli pas ndeshjes në konferencë.
“Humbje e vështirë për t’u përtypur sepse ata shënuan dy gola për 5 minuta dhe me vetëm dy goditje gjithë lojën. Tani nuk kemi alternativë tjetër veçse të ngrihemi e të vazhdojmë përpara. Ditë e trishtë por ne shohim drejt së ardhmes me kokën lart. Humbja nuk është asnjëherë e mirë, qoftë në ndeshjen e parë apo të dytë e të tretë, sidomos kur luan keq.
Para ditës së sotme ne na konsideronin si favoritë por Kupa e Botës rezervon gjithmonë surpriza si kjo. Mund të jesh pafund superior por për gjëra të vogla, ndeshja mund të komplikohet pastaj. Meksia? Rival i komplikuar, si të gjithë të tjerët. Ne do provojmë të fitojmë pavarësisht ditës së sotme.”
Lexo gjithashtu
