Kukësi mori humbjen e 3-të rresht në kampionat, teksa u mposht nga Vllaznia me shifrat 1-0, në sfidën e luajtur në “Kukës Arena”.
Një humbje që “dhemb” te verilindorët, të cilët tashmë janë të “zhytur” në zonën e ftohtë të tabelës, teksa kanë grumbulluar vetëm 11 pikë në po kaq ndeshje. Për skuadrën e Enkeleid Dobit kjo është humbja e 4-të në “Kukës Arena” në 6 ndeshje të luajtura në shtëpi, teksa ka dhe një fitore dhe një barazim.
Ka barazuar me Tiranën në ndeshjen hapëse të sezonit, ndërsa ka fituar me Bylisin 2-0, në një stadium të boshatisur. Siç duket verilindorët janë në “armiqësi” me tifozët, me këtë të fundit që duket se nuk janë më arma më e fortë e skuadrës, pasi me praninë e tyre në stadium ekipi nuk ia ka dalë të sigurojë rezultat pozitiv.
Lexo gjithashtu
