Dinamo merr një tjetër humbje, kësaj rradhe në derbin tjetër me Partizanin. Blutë u mposhtën 1-3 nga Demat me golin e vetëm të shënuar nga Kaçorri në fund me penallti, por që vlen vetëm për statistika. Pas ndeshjes, trajneri Luigi Di Biagio dha prononcimin e tij për MCN TV.
"Diçka nuk po shton sic duhet, por do të ndalem për të parë se çfarë nuk ka funksionuar me detaje e për ta analizuar atë që na dërgoi drejt këtyre rezultateve."
Sa e vështirë është të punosh kur skuadra nuk të jep përgjigjet e duhura?
Nuk është e thjeshtë, unë jam mësuar me beteja. Duhe të luftojmë deri në fund. Është fillimi dhe pikët nuk janë. Më shqetëson shthurja e skuadrës pas pësimit të golit. Unë jam trajner i betejave dhe lojtarët duhet të më ndjekin.
Çfarë po ndodh te Dinamo?
Duhet të jemi më skuadër, kryesisht në mbrojtje pasi nuk duhet të pësojmë gola të atillë. Unë duhet të gjejë zgjidhjet e duhura në mënyrë që të nxjerr nga lojtarët më të mirën e mundshme. Në pjesën e parë bëmë mirë, porn ë 30 metrat e fundit duhet të ishim më bindës, më të këqinjt. Është e patolerueshme sesi erdhi goli i parë.
A është lehtësuar fanella e Dinamos me ndryshimet e shumta?
Nuk bëhet fjalë për risitë e skaudrës, pasi sot disa lojtarë të rinj bënë shumë mirë. Skuadra është ndërtuar brenda 20 ditëve, nuk është justifikim por futet në fokusin e problematikave.
Oshilacionet e Dinamos?
Në këtë situatë fakti është që o të dorëzohesh, o të vazhdosh. Unë kam nevojë për njerëz që të vazhdojnë në këtë rrugë. Klasifikimi është i ngushtë dhe pikët mungojnë. Bëjmë disa pasime banale në 30 metrat e fundit. Nesër në mëngjes do të fillojë sërish procesi dhe unë dua me mua njerëz që duan të vazhdojnë.
Pikët mungojnë dhe javët ikin.
Më duhet të gjej një zgjidhje të shpejtë për situatën. Klasifikimi është i ngushte dhe pikët nuk janë, por ka ndeshje plot. Situatat psikologjikë nuk është mirë tek djemtë dhe duhet të nisim punën pasi bëhet fjalë për një klub me traditë. Kryesia dhe publiku kërkon reagimin, skuadra duhet të fillojë të fitojë.
Lexo gjithashtu
