Nga gëzimi i fitores me Turqinë, në trishtimin e një zije të papritur. Kroatët vajtojnë fatkeqësinë e kapitenit Dario Srna, i cili ka humbur babanë e tij. I at i i mbrojtësit të krahut të djathtë është ndarë nga jeta në moshën 75-vjeçare, ndërkohë që ishte duke parë ndeshjen e djeshme me Turqinë. Srna luajti 90 minuta në këtë ndeshje dhe pas saj është lajmëruar për fatkeqësinë e babait, që po luftonte prej vitesh me një sëmundje të rëndë. Ai është kthyer në vendlindje për ceremoninë mortore. Ndërkohë, Federata Kroate e Futbolli ka publikuar menjëherë një mesazh solidariteti me lojtarin e saj, ku shkruan: “I dashur kapiten, jemi të gjithë me ty dhe me familjen tënde!”
Poll
Lexo gjithashtu
