Flamurtari do të luajë ditën e nesërme sfidën e radhës në kampionat ndaj Partizanit. Vlonjatët nuk kanë më asnjë objektiv në Superligë pasi kanë rënë edhe matematikisht një Kategori më poshtë. Trajneri Troisi dhe mesfushori Shaqir Haruni në një prononcim për "Syri TV", janë shprehur se ndaj kampionëve në fuqi kërkojnë rezultat pozitiv.
Marcelo Troisi: "Partizani ka një ekip shumë të mirë, por unë punoj çdo ditë me këta lojtarë. Sot fola me ta e besoj se nesër do të bëjnë një ndeshje të mirë dhe të marrim një rezultat pozitiv. Mendoj se kampionati me më shumë ekipe është më e mirë për futbollin shqiptar".
Shaqir Haruni: "E kemi përgatitur ndeshjen seriozisht dhe e kemi vlerësuar kundërshtarin maksimalisht. Kemi punuar shumë mirë këtë javë ashtu siç kemi bërë gjithmonë. Kam pasur disa oferta në merkato, por kam dëshirë të qendroj të Flamurtari sa më gjatë".
Lexo gjithashtu
