Hasan Gurabardhi është një nga ikonat e volejbollit shqiptar. Gurabardhi e nisi këtë sport që në moshën 10 vjeçare, i bindur se kjo ishte rruga e duhur. Në moshën 14 vjeçare u bë pjesë e të rinjve të Erzenit, ndërkohë që për t'u bërë anëtar i ekipit të parë u deshën edhe 6 vjet të tjera. Arritjet e tij janë mjaft të mëdha, ku mund të përmendim se ka qënë 3 herë fitues i titullit ''Kampion Kombëtar'' (1997, 1998 dhe 1999) dhe 2 herë fitues i kompeticionit ''Kupa e Shqipërisë'' (1998 dhe 1999) me Erzenin. Jo vetëm kaq, suksesin e kishte thjeshtë rrugë edhe si trajner i femrave.
Gurabardhi ishte i ftuar special dje në Radio Tirana, në emisionin e Ervin Bakut, vendosi të kthehej prapa kohë. Ai thotë se titulli më i bukur që kishte fituar, ishte ai si trajner i femrave të ekipit të Tiranës në vitin 2009. Sa i përket ndeshjes më të bukur të karrierës si trajner, Gurabardhi zgjedh takimin kur Barleti Volley (ekipi i tij) mposht 3-2 Partizanin në vitin 2014. I pyetur se kush është trajneri më i mirë i gjitha kohërave, legjenda përgjigjet: Vangjel Koja dhe Ylli Tomorri për meshkuj, Kreshnik Tartari për femra. Edhe pse vitet kanë kaluar, pasioni që ke për volejbollin të bën që shumë gjëra të të kujtohen menjëherë.
Lexo gjithashtu
