Shihet si kandidate potenciale për të fituar Botërorin "Rusi 2018", por përfaqësuesja e Gjermanisë është në tension pasi po sulmohet nga ish-lojtarët e saj për të larguar dy futbollistët me prejardhje turke.
Bëhet fjalë për Mesut Ozil dhe Ilkay Gundogan, të cilët duhet të largohen nga "Panzerat" sipas ish-lojtarit Steffan Effenberg. Debati ka marrë përmasa më të mëdha pas takimit me presidentin e Turqisë, Rexhep Taip Erdogan.
"Nëse DBF udhëhiqet nga vlerat, siç gjithmonë përpiqet të transmetojë, vendimi i vetëm që përshtatet në këtë rast është kombëtarja pa këta dy lojtarë. Nuk do të jetë e lehtë për të dy, sepse tani po kritikohen edhe nga faktorë të tjerë të futbollit. Sidoqoftë, vendimi është marrë", ka deklaruar Effenberg për portalin "T-Online".
Lexo gjithashtu
