Partizani vazhdon përgatitjet për sfidën e kthimit “Play-Off” me Astanën në Conference League. Kjo përballje do të luhet ditën e enjte në “Elbasan Arena” duke nisur që nga ora 20:00.
Një përballje që demat kërkojnë përmbysjen e rezultatit të sfidës së parë, ku të kuqtë janë mposhtur 0-1 në transfertën kazake. Zoran Zekic ka nisur të mendojë formacionin mes shumë dilemash dhe mungesash.
Fatmirësisht Eroz Grezda do të jetë i gatshëm për kroatin, pasi sulmuesi ia ka dalë të rikuperohet në kohë dhe të jetë gati ndaj Astanës. Zekic e mban pezull Christian Mba. Ky i fundit pavarësisht se ka nisur të stërvitet sërish gjendja e tij nuk premton shumë. Gjithësesi të kryeqytetasit do të presin deri ditën e ndeshjes për të mësuar nëse Mba do të jetë i gatshëm për të zbritur në fushë apo jo.
Formacioni i mundshëm ndaj Astanës: Qirko, Hadroj, sota, Kocija , Atanaskovski, Rrapaj, Mehmeti, Maget (Murataj), Taipi, Grezda (Mba), Cara.
Lexo gjithashtu
