Partizani zhvilloi ditën e djeshme seancën stërvitore përpara se të marrë pushimet për vitin e ri. Nën drejtimin e Giovanni Colellës skuadra ishte thuajse e plotë, teksa mungoi vetëm Xhuliano Skuka.
Sipas burimeve pranë klubit të kuq bëjnë me dije se sulmuesi ka një ftohje të lehtë dhe drejtuesit e kanë parë të arsyeshme të t’i japin leje para pjesës tjetër të skuadrës në mënyrë që lojtari të mos rrezikojë më teper.
Gjithashtu pjesë e skuadrës ishte edhe Bekim Rexhepi, por që zhvilloi ushtrime në palestër, pa mundur t’i bashkohet pjesës tjetër të ekipit në fushën e gjelbërt. Gardiani i portës së kuqe po vuan një problem në gju dhe po vazhdon rikuperimin e tij në mënyrë që të jetë gati në rinisjen e kampionatit.
Lajm i mirë është rikthimi i Da Silvës me pjesën tjetër të grupit, me brazilianin që duket se ka hedhur prapra krahëve dëmtimin dhe tashmë do të jetë nën urdhrat e Colellës.
Lexo gjithashtu
