Spanjë - Shqipëri 3-0
Pjesa e parë: Një fraksion loje që nis mirë për tanët, të cilët ndryshe nga sa pritej qarkullojnë topin dhe ushtrojnë presing ndaj Spanjës. Megjithatë "Demat" nuk falin, por menjëherë tregojnë forcën e tyre duke zhbllokuar rezultatin në minutën e 16-të me Rodrigon. Më pas të besuarit e Lopeteguit dyfishojnë me një super Isko që bën gjithçka që do në zonë duke shënuar golin e dytë në minutën e 24-të. Një minutë më pas është Llullaku që trondit traversën e Spanjës, por vetëm kaq për tanët. Një minutë më vonë Alkantara do të shënojë golin e tretë për spanjollët duke kapitulluar në këtë mënyrë kuqezinjtë që në pjesën e parë. Pjesa e mbetur e këtij fraksioni loje nuk ka më asgjë për të shënuar.
Pjesa e dytë: Ndryshe nga e para, ky fraksion loje flet më mirë për tanët. Kuqezinjtë kanë disa raste shënimi, por fati nuk është në anën e tyre. Rasti më flagrant është ai i Armando Sadikut, i cili godet bukur topin me kokë, por sfera përfundon në shtyllën e majtë pingule të De Geas. Me futjen e Agollit, Sadikut dhe Latifit loja e kuqezinjve është më e bukur, duke luajtur me spanjollët si të barabartë. Duhet theksuar se në këtë pjesë loje, iberikët nuk patën raste shënimi, pasi kuqezinjtë ishin të vendosur mirë në fushë, duke mos lënë hapësira. Kështu mbyllet kjo sfidë me Spanjën që siguron kualifikimin, ndërsa kuqezinjtë tanë bëjnë një paraqitje të kënaqshme.
Spanjë: De Gea; Odriozola, Pike, Ramos, Hordi Alba; Saul, Koke, Tiago; Silva, Isko, Rodrigo
Trajner: Julen Lopetegui
Shqipëri: Berisha; Balliu, Hysaj, Ajeti, Veseli, Memolla; Xhaka, Kaçe, Memushaj; Grezda, Llullaku
Trajner: Kristian Panuçi
Gjyqtar: Aleksei Eskov (Rusi)
Komenti:
1'- Topi i parë shkelmohet nga spanjollët.
3'- Kuqezinjtë e nisin mirë. Ndryshe nga sa pritej loja zhvillohet në mesin e fushës.
4'- Tiago Alcantara ndërhyn keq ndaj Xhakes, por gjyqtari e fal duke mos e ndëshkuar me të verdhë.
7'- Spanjollët nisin të marin në kontroll frenat e lojës duke na detyruar të kthehemi në gjysmëfushën tonë.
8'- Në një aksion pa pretendime Heros Grezda rrezikon duke gjuajtur topin nga larg, por që ndalet në duart e portierit vendas.
https://streamable.com/4koww
10'- Spanjollët vijojnë të jenë në sulm, por mbrojtja jonë është e vendosur mirë.
13'- Pique ka një rast të artë për të shënuar, por topi fatmirësisht përfundon jashtë.
16'- Vetëm 15 minuta arritëm të rezistojmë pasi spanjollët kalojnë në avantazh me Rodriguo.
https://streamable.com/
22'- Këndore për tanët. Kroson Memushaj, por topi i tij është mjaft i gabuar.
24'- Ndëshkohemi sërish. Këtë herë është Isko që shënon golin e dytë.
https://streamable.com/tdn12
23'- Lullaku është pranë golit, por traversa ndal tanët.
https://streamable.com/epqg5
26'- Pësojmë sërish. Tiago Alkantara shënon golin e tretë për spanjollët.
32'- Jo më kot janë kampionë bote. Kuqezinjtë nuk arrijnë të kapin më asnjë top. "Furia e Kuqe" ka marrë nën kontroll lojën.
38'- Faull për tanët në gjysmëfushën e Spanjës.Kroson Memushaj, topi kthehet nga mbrojtësit spanjollë. Godet Taulant Xhaka, por pa rezultat.
45'- Shqipëria ka një rast të artë për të shënuar, por shihni çka ka humbur Llullaku.
https://streamable.com/rtbbw
46'- Pjesa e dytë nis me dy zëvendësime. Armando Sadiku dhe Ansi Agolli futen në fushë në vend të Memollës dhe Balliut.
48'- Pique ndërhyn keq ndaj Sadikut dhe gjyqtari e ndëshkon me të verdhë.Faull për tanët, por topi niset shkurtazi në mesfushë.
50'- Spanja pranë golit të katërt, por Etrit Berisha shpëton portën tonë.
https://streamable.com/6l3fn
53'- Rodrigo mund të na kishte ndëshkuar, por është sërish Berisha ai që shpëton portën kuqezi.
58'- Grezda kërkon 11 metërsh pas një rasti të dyshimtë në zonë, por për gjyqtarin gjithcka është e rregullt.
https://streamable.com/pqu69
58'- Këndore për tanët, por pa rrezik për Spanjën.
65'- Kuqezinjtë luajnë mirë. Topi qarkullohet nga tanët dhe duket se spanjollët janë të kënaqur me këtë rezultat.
66'- Panucci kryen zëvendësimin e fundit. Në lojë hyn Latifi në vend të Eros Grezdës.
69'- Kuqezinjtë pranë golit. Gjuan Sadiku, por shtylla i mohon t'i gëzohet golit të parë.
https://streamable.com/jiz7m
75'- Llullaku kërkon të çojë para kuqezinjtë. Mbrojtja spanjolle është e vendosur mirë duke mos lënë hapësira boshe.
80'- Shqipëria ndodhet aty, duke qarkulluar më shumë topin.
88'- Llullaku godet nga vendi, por e djathta e tij nuk sjell asgjë.
Lexo gjithashtu
