Raphael Dwamena është padyshim goditja e madhe e Egnatias në merkaton e dimrit. Sulmuesi afrikan i ka lënë të gjithë të mahnitur me paraqitjet e tij me fanelën rrogozhinase.
Së fundmi, ai zgjati bashkëpunimin me Egnatian duke firmosur një kontratë të re edhe për 2 vite të tjera me rrogozhinasit. Pikërisht ky lajm i ka kaluar kufijtë shqiptarë, teksa në Afrikë tregojnë atë që ndodh me sulmuesin e Ganës.
“Sulmuesi i Ganës, Raphael Dëamena vazhdon të sfidojë mjekët dhe ka zgjatur kontratën me Egnatian, pavarësisht frikës për një sëmundje në zemër.
Ai ka nënshkruar një kontratë 2-vjeçare pas vetëm 6 muajsh në këtë skuadër, duke impresionuar në fushë të gjithë sportdashësit.
27-vjeçari iu bashkua Egnatias në janar dhe arriti të luajë në 18 ndeshje, duke shënuar 11 gola dhe duke dhënë 7 asiste.
Disa mjekë në Austri e urdhëruan të ndalonte së luajturi për shkak të sëmundjes së zemrës, por besimi i jashtëzakonshëm i Dëamenës te Zoti e ka inkurajuar atë të vazhdojë”, shkruhet në artikullin për lojtarin e Egnatias.
Lexo gjithashtu
