Burreli është nga skuadrat e pakta në futbollin shqiptar që nuk ka bërë shumë lëvizje në merkato. Matjanët kanë vendosur t’i besojnë pjesës më të madhe të grupit që mbylli sezonin e fundit, por megjithatë disa ndërhyrje ka patur.
Deri tani, drejtuesit kanë afruar 4 lojtar: Patrik Fetaj, Sinan Dani, Marjus Kola dhe Dickson Idawko ndërsa janë larguar 5 të tjerë: Marcos Ramos, Juan Balanta, Wagner Duarte, Kadri Birja dhe Klajdi Kryemadhi. Pak ditë nga nisja e Kategorisë së Parë, drejtuesit matjan kanë menduar të bëjnë edhe një goditje të fundit.
Ergi Brahja është futbollisti i cili do të mbyllë merkaton e Burrelit. Ish-talenti i Tiranës dhe Dinamos ka dalë në stërvitje ditën e sotme duke u vendosur nën urdhërat e trajnerit Dorjan Bubeqi. Firma në kontratë pritet të hidhet së shpejti për mesfushorin 22-vjeçar që ka luajtur edhe me Pogradecin e Turbinën.
Lexo gjithashtu
