Danilo Alvesh është "arratisur" për herë të dytë nga Flamurtari në brenda pak muajsh. Herën e fundit u largua dhe më pas u pa në resortin "Tropikal" ku grumbullohet Skënderbeu duke u menduar se mund të firmoste me kampionët.
Por Flamurtari e ktheu në ekip duke i shlyer pagat e prapambetura.
Historia përsëritet dhe tashmë prej dy ditësh Alvesh nuk duket në Vlorë. Por braziliani ka edhe 1 vit kontratë me vlonjatët dhe tashmë pritet me interes se cila do jetë ardhmja e sulmuesit.
Ndoshta mundësia e parë është që Alvesh të rikthehet te Flamurtari, por zhurma që ka shkaktuar mund të detyronte drejtuesit ta dërgonin të stërvitej te skuadra e të rinjve.
Mundësia e dytë është që Alvesh të lërë Shqipërinë për një aventurë jashtë, ndonëse më parë duhet të lirohet nga kontrata që ka me Flamurtarin.
Lexo gjithashtu
