Sot, në orën 14:00, Vllaznia do të presë Luftëtarin për të luajtur takimin e javës së dymbëdhjetë të kampionatit në Superligë. Të gjithë janë në pritje të formacioneve që trajnerët e të dyja skuadrave do të hedhin në fushë në këtë përballje të radhës.
Mësohet se, trajneri Vllaznisë, Ernest Gjoka do të vazhdojë sërish me "vesin" e tij, lidhur me titullarët. Edhe në takimin e sotëm ndaj Luftëtarit, zbulohet se trajneri do të hedhë në fushë të njëjtët lojtarë që ishin dhe në sfidën ndaj Lushnjes ditën e mërkurë.
Si duket, Gjoka u ka besuar postin e titullarit disa prej futbollistëve të ekipit dhe në momentin që këta të fundit i përgjigjen mirë në fushën e blertë, tekniku vazhdon sërish tu besojë, siç pritet të ndodhë edhe sot ndaj gjirokastritëve.
Lexo gjithashtu
