Botërori u mbyll dhe tashmë të gjithë po bëjnë bilancet e tyre, me FIFA-n që natyrisht ka punën më të vështirë për të llogaritur fitimet dhe çdo gjë tjetër që na dhuroi ky muaj i mbushur me futboll.
Por interesant është fakti që numri i gjobave të vendosura ndaj kombëtareve pjesëmarrëse në këtë Kupë Bote ishte jashtëzakonisht i madh, krahasuar me edicionet e kaluara. Por edhe arsyet e vendosjes së këtyre gjobave janë nga më të çuditshmet. E ndërsa për Zvicrën dhe shqiptarët në përgjithësi do të ngelet në mendje gjoba e vendosur nga FIFA për festimin me shqiponjën kundër Serbisë, anglezët mund të ankohen për një gjobë plot 70 mijë franga zvicerane pasi një nga lojtarët e "tre luanëve" piu ujë nga një shishe që nuk i përkiste kompanisë që ishte sponsor zyrtar i Botërorit.
Në total të ardhurat e qeverisë botërore të futbollit nga gjobat në këtë edicion shkojnë në 750 mijë Euro.
Lexo gjithashtu
