Në çdo cep të Shqipërisë kushdo e ka mendjen te Kombëtarja. Por, sot në një ditë që kuqezinjve iu duhet patjetër që të marrin pikë në mënyrë që ëndrra e tyre të mos shuhet në Europian, të gjithë janë në mbështetje të lojtarëve në fushë. Dikush mund të ketë zgjedhur të jetë pranë lojtarëve në "Velodrome" e dikush tjetër ta mbështesë me zemër. Por, në Shqipëri të gjitha rrugët, lokalet dhe sheshet janë plot.
Ndërsa "Fan Zone" në Tiranë është mbipopulluar, ku publiku i kalon 15000 vetët. Sa iu përket rrugëve që kalojnë makinat, mund të themi se janë të pakalueshme, pasi makina e motorra po bëjnë xhiro me flamurin kuqezi mbi krye. Shqipëria është në ekstazë,shpresojmë që entuziazmin e tifozerisë ta përkrahin dhe lojtarët në fushë, të cilët duhet patjetër që ta nderojnë fanellën.
Lexo gjithashtu
