Dje, në Asamblenë Zgjedhore që është zhvilluar në hotel "Adriatik", në Durrës, nuk është votuar vetëm për kreun e FSHF-së, ku në fund u rikonfirmua Armando Duka, por edhe për anëtarët e Komitetit Ekzekutiv
Në raundin e parë të zgjedhjeve, u zgjodhën pesë anëtarë, ndërsa në të dytin katër të tjerë. Mes kadidatëve ka qenë dhe Kristian Gjidodaj, që aktualisht është kryetar i Këshillit Bashkiak të Lezhës. Gjidodaj nuk ka mundur të fitojë një vend si anëtar i Komitetit Ekzekutiv, por ai ka reagur menjëherë duke thënë se bëhet fjalë për një lapsus.
Sipas tij, në bazë të votave, rezulton të jetë ai fitues dhe jo Edmond Spahiu, i cili u konfirmua në fund me 18 vota. Ai ka kërkuar rinumërim, pasi pretendonte se kishte tre vota më shumë se kandidati tjetër, Edmond Spahiu.
"Unë rezultoj fitues me 17 vota, ndërsa Spahiu ka marrë vetëm 14. Anëtarët e Komisionit më konfirmuan se të hënën do të hartojnë një tjetër procesverbal për të rregulluar këtë lapsus që është bërë dhe unë do të jem në listën e fituesve të anëtarëve të Komitetit Ekzekutiv të FSHF-së", është shprehur Gjidodaj pas përfundimit të procesit zgjedhor ditën e djeshme.
Lexo gjithashtu
