Mbrëmja gala “Më të Mirët 2023”, organizuar nga FSHF, po merr jetë në Teatrin Kombëtar të Operas dhe Baletit ku po njihen protagonistët e vitit në futbollin vendas. Gianni De Biassi dhe Eduardo Reja janë ngjitur në skenë për të dhënë çmimin “Trajneri i Vitit 2023”. Orges Shehi është fituesi dhe ishte ish-trajneri i Kombëtares De Biasi që tha emrin.
“Ndihem shumë i nderuar, sepse jam këtu mes dy personaliteteve dhe figurave të mëdha të futbollit tonë dhe futbollit europian. Si Reja dhe De Biasi, i cili ka qenë një indicie e madhe që t’i futem trajningut. Ndihem krenar që vij këtu për herë të dytë radhazi. Jam shumë i kënaqur. Dua të falënderoj gjithë trajnerët dhe kapitenët që më kanë votuar, si dhe ish-klubin tim, Tiranën”, tha Orges Shehi.
Të nominuarit ishin Mirel Josa, aktualisht trajner i Laçit, Edlir Tetova trajner i Egnatias dhe Orges Shehi. Kujtojmë se kjo është hera e dytë radhazi për trajnerin Shehin, që mbylli aventurën me Tiranën.
Lexo gjithashtu
