Skënder Gega dhe Shqiprim Taipi kanë dalë sot para medieve ku kanë folur për ndeshjen e nesërme kundër Teutës. Trajneri tropojan së bashku me mesfushorin kanë vlerësuar maksimalisht durrsakët, por shprehin bindjen se do të marrin maksimumin në këtë takim.
Edhe pse në krye të pankinës është një emër i njohur si Bledi Shkëmbi, Gega s’i druhet kësaj. Ndeshja Teuta – Kukësi do të zhvillohet në orën 17:45 në stadiumin “Niko Dovana” të Durrësit.
PRONONCIMI I SKËNDER GEGËS:
"Kemi humbur dy ndeshje ku mund te kishim bërë më mirë. Pavarësisht kësaj ne kishim hyrë për të fituar por kemi gabuar megjithatë jemi optimistë kur stërvitemi mirë dhe sillemi mirë në çdo aspekt. Shkojmë për fitore edhe pse Teuta ka synimet e veta.
Shkëmbi? I uroj suksese dhe më bëhet qejfi qëu rikthye. Deri sa të mbarojnë 90 minuta nuk i dihet dhe i uroj t'i shkojë mirë por nesër për 90 minuta jemi rivalë. Ne mendojmë të korrigjohemi për vete dhe për nesër ja lëmë fushës.
Ndryshim? Pikët janë ndryshimi sepse ato na mungojnë. Janë disa arsye që një ekip krijon formën dhe atë që duam. Është çështje kohe sepse titullarë që kanë ardhur me mbështetje të klubit nuk kanë luajtur por kanë besimin tonë.
Gjici? Çdo president ka mënyrën e vet por Safet Gjici është më i drejtpërdrejtë. Është i pakënaqur nga puna kolektive dhe pikët por jam mësuar me presion sepse kush merret me futboll nuk është i qetë dhe natyrisht ai si president pret feedback. Është president dhe asnjë trajner nuk i dikton presidentit si të perceptojë futbollin. Jam trajner dhe kemi një projekt. Uroj të shkojnë gjërat mirë. Nuk e kam të qartë dhe s'besoj se ka deklarata për mua. E di se sa punoj dhe është e pavërtetë që një trajner punon 48 orë. Çdo trajner ka mënyrën e vet dhe kemi bërë maksimumin, nuk kemi lënë gjë mangët.
Barbosa? Kemi marrë ato që kanë thënë po. Kemi pengje dhe kam pasur mbështetje. E kemi marrë me dëshirën më te madhe dhe fusha tregon. Deri tani askush nuk ka qenë në maksimum por jam i bindur se edhe me brazilianin kemi bërë afrimin e duhur.
Nesër nuk kemi mungesa përveç Bashës që po stërvitet individualisht dhe kemi Barbosën që do i gjejmë momentin e duhur. Përveç 3 lojtarëve thuajse të gjithë janë aktivizuar dhe ndoshta prandaj nuk kemi gjetur ekuilibra. Fusha dhe ambienti janë të mira dhe nesër do të shohim".
PRONONCIMI I SHQIPRIM TAIPIT:
“Kemi 3 ndeshje ku nuk kemi qenë ku duhet dhe pa rezultat por kanë ardhur shumë futbollistë e kanë ikur shumë por nesër duhet të tregojmë qe jemi Kukësi dhe të kthehemi te fitoret.
Atmosfera normalisht kur humb nuk është shumë e mirë por ne mundohemi ta mbajmë sepse kemi shumë ndeshje dhe është vetëm fillimi e nesër shpresojmë në fitore.
Normal që çdo herë kur bën ndeshje, rritemi një nga një dhe duhet që të vazhdojmë përpara. Kur humbet nuk je i qetë por të gjithë e dimë që jemi futbollistë profesionstë dhe duhet të perballomë çdo situatë.
Nuk kemi fituar 10 ndeshje me Teutën por mendoj se nesër është momenti për të fituar për moralin tonë por edhe për tifozët tonë”.
Lexo gjithashtu
