Komentatorit i njohur sportiv, Milaim Krasniqi është ndarë nga jeta në moshën 53 vjeçare. Lajmi për ndarjen nga jeta të zërit që ka bërë jehonë ndër vite, ka prekur mbarë opinionin në Kosovë.
Milaimi prej kohësh vuante nga sëmundja e kancerit dhe vijonte trajtimin mjeksorë në Francë, aty ku u shuajt ikonat e gazetarisë sportive të Kosovës. Pasionin dhe dashurinë e tij e përqëndroi te bota e sportit, duke qenë një vlerë e madhe në radhët e Radio Kosovës ku kontriboi për dy dekada.
Shumë miq dhe shokë të Milaimit kanë përcjellur mesazhet ngushëlluese për familjen e të ndjerit:
Gani Kosumi: “Ndërron jetë komentatori i njohur i sportit Milaim Krasniqi
Gazetaria e sportit të Kosovës mbeti më e varfër pa njërin ndër gazetarët e shquar të sportit të Kosovës. Në moshën 53 vjeçare ka ndërrua jetë njëri ndër gazetarët dhe komentatorët më të shquar të Kosovës , Milaim Krasniqi.
Vdekja e tij rrodhi si pasojë e komplikimeve që u shfaqën kohët e fundit nga kanceri. Përkundër përpjekjeve dhe angazhimeve të mjekëve në Kosovë, Turqi dhe në Francë, ato nuk patën sukses ngase vdekja ishte e pa shmangshme nga kjo sëmurje vrastare.
Milaim Krasniqi, gazetar i sportit.
Lindi në Makoc të Prishinës më 1 qershor 1969. Studoi për gazetari dhe komunikim. Punën e gazetarit të sportit e filloi në gazetën "Bujku" në vitet '90, ndërsa më vonë punoi në Radion "Rilindja" dhe Radion "Kosova e lirë". Punoi edhe në Televizionin "AA"
Si prezentues i emisioneve të ndryshme.
Në vitin 2001 zë punë në Radio Kosovë ku ka vazhduar të punojë deri në ditët e fundit të jetës. Gjatë kësaj periudhe ka komentuar mbi 2000 ndeshje të futbollit nga vendi i ngjarjes . Vite me radhë ishte Redaktor Përgjegjës i programit në RTK-Radio Kosovë dhe kryetar i Shoqatës së Gazetarëve Sportivë të Kosovës. Gazetaria e sportit e Kosovës mbeti pa një penë të mprejtë dje komentator të shquar sportiv. Ai do të jetë udhë rrëfyespër gjeneratat e reja. Milaimi për herë do të mbetet në mendjet dhe zemrat tona. Jemi me ju familjen Krasniqi në këto çaste të vështira. Zoti e mëshiroftë, i qoftë i lehtë dheu i Kosovës që aq shumë e deshi dhe kontribuoi shumë për te.”
Defrim Methasani: “E pabesueshme, por e vërteta e hidhur që më pikëlloi keqas shpirtin. Humbëm sot një mik dhe koleg të çmuar të cilin e thërrisja shqipe e Kosovës. Nuk dua ta besoj se buzëqeshja e tij nuk rrezaton më, që zemra e tij nuk rreh si përherë, që zëri i tij kumbues nuk dëgjohet më. Me lot mbi tastierë po shkruaj për ty vlla Milaim Krasniqi, ti që jetën e doje si askush tjetër, por po kaq familjen, radio Kosovën, komentin sportiv dhe futbollin. Sëmundja e rëndë të rrëzoi dhe ne e vuajmë tash mungesën tënde. Bilbili i Gollakut dhe mikrofonit e ndali këngën e tij.... Qofsh i xhenetit vlla. Ike shpejt, pa e shijuar përvjetorin e 55-të. Jam pa fjalë dhe lotoj në një det lotësh. Fitorja, Anisa, Erjoni dhe Reini, sduan ta besojnë mungesën tënde. Zoti i forcoftë ata, familjen Krasniqi, kolegët e radios dhe të gjithë ne që të donim kaq shumë. Më dhemb shpirti për ty Mil!”
Gasper Marku: “Një lajm tronditës vjen nga Kosova! Ndërron jetë në moshën 55 vjeçare, kolegu i mirënjohur, gazetari dhe komentatori brilant i Radio Kosovës, Milaim Krasniqi. Një mik i afërt i gazetarëve të Shkodrës, qytetin që ai e pëlqente dhe e vizitonte shpesh. Profesionalizmi, kultura dhe qyetaria që e karakterizonte Milaimin, ishin model për të gjithë grupin e gazetarëve, Shqipëri-Kosovë. Kujtimet mbresëlënëse që la pas janë të shumta, përfshirë edhe këto foto të 8 qershorit 2014, kur ai ishte i ftuar në emisionin Sport Shoë-TV1 Channel.
Ngushëllime familjes Krasniqi, pushofsh në Paqe, Milaim. Do të mbetesh përherë në kujtimet tona, si një ndër kolegët dhe miqtë më të mirë të Kosovës!
Kushtrim Krasniqi: “Lamtumirë miku im, motivuesi im! E trishtueshme të shkruaj për lamtumirën tënde, lamtumirën e njeriut të mirë, njeriut më pozitiv e optimist!Sot provova të të marrë në tel. dhe kur prisja thirrjen tënde, në vend të saj, mora thirrjen e kolegut tim, për t'më dhënë lajmin e kobshëm, të cilit nuk doja t'i besoja. E rëndë, shumë e rëndë të gjej fjalë për të shkruar për dorëzimin tënd të hershëm, të shpejtë, e të papritur.
Miku im! Pa zërin tënd, edhe ndeshjet e Kombetares tonë do të jenë më të mangëta. Pa ty, edhe tribuna e mediave do të jetë më e varfër, më e heshtur... Pa ty, që besoje aq shumë sa që, edhe kur ishim duke humbur na jepje optimizmin, se kthesa e madhe e djemve tanë do të ndodh në pjesën e dytë, mbase edhe në minutat e fundit!Ishe lexuesi dhe motivuesi i madh i shkrimeve të mia, të cilat sa herë më shihje kohëve të fundit me tregoje se sa të mungonin, siç të mungoja duke të të "tradhetuar" me mospraninë time në disa ndeshje të Kosovës tonë, ku ti ishe përherë e çdoherë!
Ngushëllime familjes, miqve të shumtë e kolegëve gazetarë të sportit, veçanërisht Radio Kosovës. Pusho në paqe, Milaim Krasniqi!”
Emin Bajrami: “Prehu ne paqe miku im Milaim Krasniqi!”
Edmond Thaçi: “Lajm i kobshem nga Franca. Sapo nderroi jete kolegu, shoku dhe bilbili i mikrofonit, Milaim Krasniqi. Ishe gjithmone pozitiv dhe si te tille do te kujtojme gjithmone”.
Reshat Ibraimi: “Një foto e pavdekshme me mikun dhe gazetarin tonë të pavdekshëm, Milaim Krasniqi (i pari djathtas) nga Prishtina në stadiumin “Qemal Stafa” në Tiranë. Ishte 16 shtator 2012, kur miku ynë i përbashkët nga Tirana, Defrim Methasani, na bëri bashkë në një ndeshje të Kombëtares. Dhe, nga ai moment miqësia jonë vazhdoi, por paska qenë e shkurtër, sepse sot kolegun tonë Milaimin sëmundja e rëndë e rrëzoi përgjithmonë. Do të na mungojë shumë komunikimi, zëri dhe buzëqeshja e tij. Është e vështirë të përballoshë këtë dhimbje. Ngushëllime të përzemrta të gjithë komunitetit sportiv në Kosovë e familijes Krasniqi iu dhashtë forcë dhe durim. Zoti e mëshiroftë shpirtin e tij të mirë.”
Ismet Krasniqi: “Telegram ngushëllimi për ndarjen nga jeta të gazetarit dhe komentatorit të mirënjohur, Milaim Krasniqi
E nderuara, familja Krasniqi
Me dhimbje të thellë morëm lajmin për ndarjen nga jeta të doajenit të gazetarisë sportive, njëherit komentatorit të mirënjohur të radios, Milaim Krasniqi. Milaimi ishe zë i sportit të Kosovës, veçanërisht futbollit, ku dha kontribut të çmuar para dhe pas luftës. Një kohë ishte edhe kryetar i Shoqatës së Gazetarëve Sportivë, kurse si gazetar e komentator punoi në Radio Kosovë.
Ikja në amshim e mjeshtrit të mikrofonit, do të lë boshllëk të madh në gazetarinë sportive dhe sportin tonë në përgjithësi, të cilin e deshi dhe e promovoi deri në kaplimin e sëmundjes së rëndë.
Në emër të Komitetit Olimpik të Kosovës dhe lëvizjes olimpike në vend, i shpreh ngushëllimet më të thella familjes së tij, miqve, kolegëve të gazetarisë sportive dhe kolegëve të Radio Kosovës.
President i Komitetit Olimpik të Kosovës”
Agim Ademi: “Me pikëllim të madh dhe zemërthyer mësova lajmin për ndarjen nga jeta të komentatorit e gazetarit sportiv, mikut tim Milaim Krasniqi.
Milaimi ishte zëri simbol i radiotransmetimeve të ndeshjeve të futbollit në Kosovë që nga ditët e para të pasluftës. Ai nisi me radiotransmetime në Radion Kosova e Lirë, për të vazhduar më pas në Radio Rilindja dhe për të vazhduar traditën e kahmotshme të transmetimeve në Radio Kosova.
Zëri i tij kumboi nga terrenet e futbollit anembanë Kosovës. Ai ishte pjesë e çdo suksesi të klubeve tona, por edhe të Kombëtares së Kosovës dhe një motivues i madh i futbollistëve të rinj.
Mili ishte përplot pozitivitet e vizion. Thjesht ishte i lindur për komentator sporti. Mënyra se si ai e përçonte emocionin e një ndeshje futbolli tek dëgjuesit e radios ishte sa e veçantë po aq e papërsëritshme.
Ikja e tij e hershme nga kjo botë është një humbje e madhe për familjen, miqtë dhe për gazetarinë sportive. Ai pas vetës la një arkiv të pasur radiotransmetimesh, emisionesh e spektaklesh sportive e argëtuese.
Milaimi ishte i gjithanshëm, intelektual e me virytete të larta dhe të tillë do ta kujtojmë gjithmonë. Në këto momente të vështira i dërgoi ngushëllimet më të sinqerta familjes Krasniqi dhe tërë kolegëve e miqve të tij të shumtë. Komuniteti i futbollit do ta kujtojë përherë si zërin simbol të radiotransmetimeve. I lehtë i qoftë dheu i Kosovës!”
Arlind Sadiku: “Milaim Krasniqi u nda sot nga jeta
Shumë i prekur nga ky lajm! Ishte dhe do të mbetet një nga figurat më të mëdha të gazetarisë dhe komentimit shqiptar. Ngushëllimet më të sinqerta ia shpreh familjes së tij, komunitetit sportiv dhe gjithë atyre që e kanë njonur.”
Valon Ramadani: ” Me pikëllim të thellë u njoftuam sonte për ndarjen nga jeta të gazetarit Milaim Krasniqi. I ndjeri ishte gazetar i sportit në RTK-Radio dhe shquhej për profesionalizmin e tij.
Shprehi ngushëllimet e mija për kolegët e tij dhe të gjithë ata që e njohën të ndjerin. Zoti e pastë në mëshirën e Tij, kurse familjen e forcoftë me durim! “
Tahir Batatina: ”Prehu në paqe zëri i mrekullueshëm i sportit, Milaim Krasniqi!
Një humbje e madhe për gjithë komunitetin e gazetarëve sportiv. Milaimi, një njeri i dashur dhe një gazetar i përkushtuar i sportit, pas një sëmundje të rëndë paska ndërruar jetë.
Milaimin do ta kujtoj gjithmonë për profesionalizmin dhe respektin që pati gjithnjë për gjithë komunitetin e sportit dhe në veçanti futbollit. Ngushëllime familjes Krasniqi, komunitetit të gazetarëve sportiv, Radio Kosovës dhe gjithë atyre që e njohën.
Allahu të mëshiroftë Milaim, i lehtë të qoftë dheu i Kosovës, vendit tonë që aq shumë e deshte!”
Stafi i Newsport.al shpreh ngushëllimet më të sinqerta në këto momente të vështira, familjes Krasniqi.
Lexo gjithashtu
