Portierët në Shqipëri kanë qenë gjithmonë një nga pikat kyçe të kampionatit. Çdo vit ka elementë të rinj ose jo, por që japin siguri në katërkëndëshin e portës.
Vlerat e tyre janë rritur ndjeshëm vitet e fundit, teksa edhe këtë sezon bien ne sy vlerat goxha të mira të portierëve të Abissnet Superiore.
- Pano Qirko ndan “fronin” me Gentian Selmanin. Portierët e kryeqytetit e kanë vlerën respektivisht nga 300 mijë euro. Një shifër mjaft e lartë që duke parë moshën dhe aftësitë e tyre, mund të rritet përsëri.
- Bekim Rexhepi, që do të jetë portieri i sezonit të ardhshëm i Dinamos ka një diferencë prej 50 mijë eurosh me dy vendet e para. Kartoni i ish-portierit të Partizanit vlerësohet të jetë 250 mijë euro. Të njejtën vlerë ka edhe gardiani i Kukësit, Angelo Tafas dhe i Egnatias, Alen Sherri.
- Në vendin e gjashtë mund të themi që është një surprizë përsa i përket vlerës. Mario Dajsinani, gardiani i Laçit vlerësohet plot 200 mijë euro nga Transfermakt. Një shifër mjaft e lartë për portierin 24-vjeçar duke parë që kurbinasit nuk janë në nivelin e duhur ekipor.
- Vendin e shtatë e mban Marco Alia, portieri i Skënderbeut që u transferua këtë merkato në Korçë. Pavarësisht eksperiencës në Itali, sidomos me ekipin e Lazios, vlera e Aliaj nuk është më shumë se 175 mijë euro.
- Dashamir Xhika i Erzenit dhe Endri Dema i Teutës ndajnë vendin e 8-të dhe të 9-të le të themi duke qenë të dy me të njëjtën vlerë. Portierët vlerësohet të jenë 100 mijë euro. Edhe pse Dashamir Xhika 34 vjeçar dhe Endri Dema vetëm 19 vjeç, janë vlerësuar në mënyrë të barabartë.
- Vendin e fundit e mban portieri i Vllaznisë, Kristi Qarri. Sipas asaj që “zbardh” Transfermakt, vlera e portierit të shkodranëve është 75 mijë euro. Një shifër mjaft e ulët krahasuar me portierët e tjerë të kampionatit. Gjithsesi 22-vjeçari ka mundësinë të tregojë vlerat e tij këtë sezon dhe pse jo të rrisë vlerën.
Pano Qirko 300,000 euro
Gentian Selmani 300,000 euro
Bekim Rexhepi 250,000 euro
Alen Sherri 250,000 euro
Angelo Tafas 250,000
Mario Dajsinani 200,000 euro
Marco Alia 175,000 euro
Dashamir Xhika 100,000 euro
Endri Dema 100,000 euro
Kristi Qarri 75,000 euro
Poll
Lexo gjithashtu
