Partizani mori një humbje të dhimbshme nga Vllaznia teksa u mposht 1-2 pavarësisht se kaluan të parët në avantazh. Goli i Maguette u zhvlerësua nga Jonuzi dhe supergoli i Çobës në fund për të “rrëmbyer” tre pikët që shkojnë në Shkodër. Pas ndeshjes, trajneri Colella foli për mikrofonat e Oversport.
Cfarë ndodhi sot?
Vllaznia zhvilloi një ndeshje shumë të mirë, e kishte përgatitur mirë por ne patëm vështirësi për të gjetur zgjidhje sidomos në pjesën e dytë pastaj bëmë dy gabime që ndodhin në futboll. Ndoshta ishte edhe përgjegjësia ime përsa i përket zëvëndësimeve por janë gjëra që ndodhin. Mund të mos i bëja këto zëvëndësime por unë marr përgjegjësitë e mija. Telushi me Maguette na rrezikoi pasi Maguette ka akoma për të mësuar në vendosjen e tij në fushë.
Humbje me lojë të dobët, ashtu si ndaj Egnatias.
Edhe ndaj Egnatias humbëm pas një loje të dobët. Janë dy humbje të merituar pasi nuk zhvilluam një lojë të mirë, është këmbanë alarmi që të ulemi e të përmirësohemi më mirë. Por duhet të kupton që nuk jemi një skuadër që vret kampionatin. Ndaj Egnatias ishte ndeshja më e keqë që zhvilluam.
Përforcime në merkato?
Për merkaton e kemi sqaruar që nuk ka të bëjë me të por në momentet që ndodhemi duhet të përmirësojmë e të mos bëjëm gabimet që bëjmë. Një skuadër e fortë që do të fitojë kampionatin duhet të fitojë edhe në ditë të këqija. E pranoj që nuk jemi akoma top-formë. Sot nuk ishte dita jonë më e mirë.
Mbrojtja e dytë më e keqe.
Ne jemi një skuadër që rrezikon më shuëm se skuadrat e tjera kjo nuk do të thotë që ne duhet të pësonin sot 2 gola. Ende nuk jemi një skuadër shumë e fortë. Kur nuk ulim kokën të punojumë ndodhin episode të tilla.
Alban Hoxha në stol pas derbit.
Rexhepi është titullar, Hoxha është i dyti. Nuk mendoj se sot kishte përgjegjësi portieri.
Skuka nuk ishte në ditën e tij.
Skuka është forcë e skuadrës por nuk ishte nga ana shëndetësore mirë dhe e lamë në stol.
Lexo gjithashtu
