Dinamo do të presë Partizanin në “Elbasan Arena” ditën e premte për të zhvilluar kështu mes tyre derbin e parë të sezonit. Në orën 18:00 të dyja ekipet do të kërkojnë rikthimin te fitorja dhe triumfi në derbi do të ishte “qershia mbi tortë”.
Gjithsesi te “Blutë” situata nuk duket edhe shumë e qetë. Ish-i i madh i kësaj sfide do të jetë Bekim Rexhepi, i cili do të kërkojë “revansh” ndaj ish-ekipit të tij për mënyrën se si e larguan në fund të sezonit. Por pavarësisht kësaj, gardiani i portës rrezikon të jetë në stol ndaj demave.
Duket se penalltia e dhuruar në duelin me Erzenin, që i shkaktoi “Nëndetëses” humbjen, nuk po kapërdihet lehtë nga Luigi di Biagio. Ky i fundit pavarësisht se e mbrojti pas ndeshjes, duket se në derbi shancet më të mëdha i ka Edmir Sali për ta nisur nga minuta e parë.
Megjithatë fjala e fundit i takon italianit dhe deri ditën e premte mbetet të shihet se kush do të veshë dorezat e titullarit, ndërsa sfida gjithsesi premton të jetë e luftuar.
Lexo gjithashtu
