Mesfushori i Portugalisë Danilo është shprehur i lumtur me ‘’futbollin e shëmtuar’’ që skuadra e tij ka treguar këtë Europian. Portugalia ka fituar një vend në 4 skuadrat më të mira të Europianit edhe pse loja e tyre ka qenë zhgënjyese. Asnjë ndeshje e fituar në kohën e rregullt, por kjo si ka penguar portugezët të dërgojnë në shtëpi shumë ekipe të tjera.
‘’Unë preferoj të luajmë futboll të shëmtuar dhe të rrimë këtu ku jemi, sesa të luaj futboll të bukur dhe ta ndjekim Europianin nga shtëpia. Ne kemi një grup ambicioz lojtarësh dhe të gjithë duam të fitojmë. Kritikat sjanë asnjëherë të mira por ne na kanë shërbyer për të na motivuar. Ne nuk kemi bërë më të mirën, por ndaj Uellsit do të arrijmë të japim maksimumin’’, ka thënë Danilo për ndeshjen e gjysmëfinales.
Lojtari foli dhe për duelin me Bale, duke i njohur aftësitë e sulmuesit, por ata do të mundohen ta bllokojnë atë.
