Kategoria e Parë vijon me 2 ndeshjet e rradhës të javës së 22-të. Në orën 15:00 katër ekipe do të zbresin në fushën e lojës për të luftuar për objektivat e tyre. Jo vetëm sot por në të gjithë fundjavën e futbollit shqiptar, sytë janë te ndeshja e Vlorës ku Flamurtari pret Skënderbeun në një ndeshje zjarri për titullin kampion.
Pesha e kësaj ndeshjeje është e standartit të Superiores por dy skuadrat janë në rrugën e duhur për t’u rikthyer “tamam” aty. Korçarët kryesojnë me 41 pikë, 1 më shumë se Dinamo ndërsa kuqezinjtë kanë 3 pikë më pak dhe fitorja është detyrim për ta, gjithmonë.
Paralelisht do të luhet gjithashtu edhe Besëlidhja – Tomori me beratasit që shkojnë në "Brian Filipi" me petkun e favoritit sipas renditjes por me kampionatin që i drejtohet fundit, asnjë rezultat nuk është surprizë. Besëlidhja kërkon verbërisht pikët megjithëse mbijetesa duket shumë larg ndërsa Tomori vijon garën e nxehtë për një vend në Play-Off.
Lexo gjithashtu
