Lajmi që Armand Duka u zgjodh si zëvendës President i UEFA-s ka qenë ndoshta lajmi më i mirë që futbolli ka marrë ditët e fundit, por ndoshta një ndër lajmet më të bukura ndonjëherë. Një reklamë jo vetëm për Federatën, Kombëtaren, por edhe kampionatin shqiptar pritet që kjo gjë ta ndihmojë shumë.
Një emërim i tillë ka qenë shumë i përfolur jo vetëm në mediat shqiptare, por në të gjithë rajonin. Disa xhelozojnë e disa të tjerë nuk e fshehin realitetin, duke e parë emërimin e Dukës, si një arritje të madhe.
Në shtetin serb, vend i cili aktualisht po “lufton” me shqiptarët për arsye jofutbollistike nuk e ka pritur mirë këtë lajm.
Ndërsa mediat greke nuk i kanë kursyer elozhet duke e cilësuar një arritje të madhe këtë ngjitje në karrierë të Armand Dukes. Madje Gazzetta.gr shkruan: “Një moment historik për futbollin e Shqipërisë, Armand Duka është zgjedhur zëvendës president në UEFA. Duke qenë numri dy në UEFA, futbolli shqiptar hap një faqe të re”, shkruan media greke.
Edhe media boshnjake janë marrë me Dukën teksa e kanë cilësuar menjëherë presidentin e FSHF-së si “dora e djathtë” e Aleksandr Ceferin. Disa media të tjera janë marrë thjeshtë me lajmin e emërimit, por disa të tjera kanë hyrë më thellë, siç është rasti i “Sportsportsba”, të cilët flasin për pagën që Armand Duka mund të përfitojë si një zyrtar i UEFA-s.
“Nëse një anëtar i thjeshtë i Komitetit Ekzekutiv në UEFA paguhet 160.000 euro në vit, një zëvendës president në UEFA mund të përfitojë deri në 250.000 euro në vit”, shkruan media boshnjake.
Lexo gjithashtu
