Trajneri i Francës Didier Deschamps deklaroi se Kroacia ka më shumë eksperiencë se Franca duke qenë se ka lojtarë më të "pjekur", në një tentativë për të kaluar presionin te kundërshtari. Por tekniku kroat Zlatko Daliç është munduar të evitojë këtë efekt duke deklaruar se ekipi i tij do të luajë pa presion.
"Jemi krenarë kur shohim se çfarë po ndodh në vendin tonë. Njerëzit po harrojnë problemet e përditshme. Për ne nuk ka presion. E dimë që do të na shikojë e gjithë bota, por duhet të zbresim në fushë për t'u zbavitur. Është momenti më i mirë i karrierës sonë. Nëse fitojmë do të jemi të lumtur; nëse nuk fitojmë, do të përgëzojmë kundërshtarin", u shpreh Daliç përpara gazetarëve.
Finalja mes Francës dhe Kroacisë do të luhet ditën e nesërme në orën 17:00, në stadiumin "Luzhniki" të Moskës.
Lexo gjithashtu
