Nesër do të luhet finalja e madhe e kampionatit Botëror "Rusi 2018", mes Francës dhe Kroacisë në stadiumin "Luzhniki" të Moskës. Kroatët natyrisht që vijnë si jo-favorit, por nga ajo që kanë treguar deri tani nuk duhet të nënvlerësohen aspak në këtë përballje, ndërkohë që për "gjelat" kjo do të jetë finalja e dytë në po aq vite, pas asaj të humbur në vitin 2016 përballë Portugalisë pikërisht në Paris.
Por të dyja skuadrat kanë një të përbashkët të madhe në këtë finale. Ashtu si edhe 20 vite më parë, kur Franca luante finalen e saj të parë në një Botëror, edhe tani Kroacia arrin për herë të parë në një nivel të tillë. Ndërkohë që lajmi është se në të dyja rastet ekipet respektive kanë pasur renditjen më të dobët në FIFA, të një finalisti Botërori. Përkatësisht Franca në vitin 1998 renditej e 18-ta në botë, ndërkohë që sot Kroacia është e 20-ta, duke e thyer këtë rekord të "gjelave".
Në këtë mënyrë ballkanasit bëhen zyrtarisht ekipi më i dobët përsa i përket renditjes së FIFA-s, që arrin të luajë në një finale Botërori. Më poshtë keni listën e plotë të finaleve nga viti 1994 e në vijim dhe renditjen respektive të ekipeve.
1994: Brazil (1)-Itali (16)
1998: Brazil (1)-Francë (18)
2002: Gjermani (11)-Brazil (2)
2006: Itali (13)-Francë (8)
2010: Holandë (4)-Spanjë (2)
2014: Gjermani (2)-Argjentinë (7)
2018: Francë (7)-Kroaci (20)
Lexo gjithashtu
