Egnatia nuk ka ndërmend të ndalet. Suksesi historik i këtij sezoni nuk është thjeshtë një rastësi e bukur por fryti i një pune sistematike dhe i një investimi të presidentit Agim Demrozi. Rrogozhinasit e mbyllën kampionatin në vendin e tretë teksa fituan edhe Kupën e Shqipërisë ndaj Tiranës, trofeu i parë i tyre në histori.
Ditën e djeshme skuadra ka nisur punën për t’u përgatitur për debutimin në arenën ndërkombëtare ku do të marrin pjesë në raundin e parë kualifikues në Conference League. Drejtuesit po punojnë për afrimet në merkato që do të rrisin cilësitë në ekipin e Edlir Tetovës por investimet nuk ndalen me kaq.
Në stadiumin “Egnatia Arena” ka nisur puna për mbulimin e tribunave të tifozëve të cilat deri tani ishin pa ka nisur puna për mbulimin e tribunave të tifozëve të cilat deri tani ishin pa çati. Ky stadium është një projekt i papërfunduar teksa ai i ploti parashikon një impiant modern me tribuna në katër krahët e fushës që do të plotësojë të gjitha kushtet për licensimin në UEFA që aktualisht mungojnë.
Lexo gjithashtu
