Ditën e djeshme janë zhvilluar edhe ndeshjet e “Play-off” të Kategorisë së Parë. Një nga sfidat luhej në Berat, ku Tomori dhe Korabi u vunë përballë njëra tjetrës. Kjo sfidë përfundoi në favor të skuadrës mga Peshkopia, teksa goli Kekos do t’i kualifikonte për më tej skuadrën e Shpendi Kumbarçes.
Në stadiumin “Tomori” kishte edhe tifozë të veçantë. Këtë sfidë kishin zgjedhur ta shikojnë nga shkallët e stadiumit edhe dyshja e Skënderbeut, Ardian Takaj dhe Ivan Gvozdenovic. Vetëm pak orë më parë u njoftua rinovimi mes palëve edhe për një sezon. Me siguri trajneri dhe presideti kanë “pikasur” ndonjë lojtar nga ekipet e tyre kundërshtare që i kishin në Kategorinë e parë.
Në Korçë kanë nisur për ndërtimin e skuadrës dhe elementët cilësorë në Kategorinë e Parë nuk kanë munguar. Gvozdenovic dhe Takaj mund t’i kenë “shkelë” syrin ndonjërit prej tyre, të cilin e konsiderojnë si element të rëndësishëm për Superioren. Mbetet për t’u mësuar se cilaka qenë arsyeja e kësaj “vizite” në Berat.
[caption id="attachment_693885" align="alignnone" width="354"]
Gvozdenovic dhe Takaj duke ndjekur ndeshjen mes Tomorit dhe Korabit[/caption]
Lexo gjithashtu
