Sulejman Demollari ka ndarë me ndjekësit e tij në rrjetet sociale një mesazh ku fton të gjithë për të mbështetur dhe përkrahur Kombëtaren në këto momente të vështira. “Humbja është gjithmonë e vështirë, por tifozët duhet të bëjnë detyrën”, është shprehur gjatë shkrimit të tij Demollari.
Sulejman Demollari:
“Humbjet janë gjithmonë të vështira për tu përtypur, akoma më shumë kur ndodhin në ndeshje të rëndësishme. Por futbolli i tillë është dhe koha për të “qarë” atë që ka ndodhur është ndonjëherë më e dëmshme se vetë humbja. Tani kjo skuadër duhet të ringrihet, ka nevojë për mbështetje, ka nevojë për qetësi dhe jo për gjyqe popullore.
Përpara kemi ndeshje të rëndësishme, shumë shpejt afrojnë edhe eliminatoret e Kampionatit Europian 2024. Unë besoj se ky grup, këto djem, do dinë të na bëjnë krenar e të na dhurojnë gëzime të mëdha. Kanë një rrugë të madhe për të bërë përpara dhe sëbashku me mbështetjen e të gjithë ambientit futbollistik do të shkojmë larg.
Detyra jonë është vetëm një: T’i qëndrrojmë pranë e ti këshillojmë!”
Lexo gjithashtu
