Ndeshja mes Skënderbeut dhe Partizanit rrezikon të shtyhet me 24 orë. Dueli i javës së 14 të Superligës do vendoset nëse do zhvillohet ose jo sot në 13:45 edhe në sajë të gjendjes së fushës së stadiumit “Skënderbeu”, pasi juglindja e vendit këtë të shtunë është zgjuar me rreshje të reja bore.
Punonjësit e stadiumit janë duke bërë sërish përpjekje për heqjen e shtesave të reja të borës, teksa një gjë e njëjtë u bë edhe dje. Me mjete primitive në dukje, Shefi i klubit korçar ka treguar se kjo është mënyra më efikase për mos dëmtuar fushën me mjete të rënda.
Ilirjan Përmeti u shpreh se do jetë delegati që do vendosë për duelin, me klubin që po bën çështë e mundur për të hequr borën. “Ne po bëjmë të gjitha përpjekjet për ta pastruar fushën.
Do zhvillohet ose jo ndeshja, këtë e vendos delegati I këtij takimit apo FSHF-ja pasi të bëhen edhe provat e duhura në tapetin me dëborë”, tha Përmeti për mediet lokale.
Loading ...
