Sulmuesi i Francës, Kilian Mbappe ka reaguar pas eleminimit të Spanjës ndaj Marokut. Francezi ka uruar shokun e tij Achraf Hakimi që shënoi penalltinë fituese që i dha kualifikimin Marokut në çerek-finale. Dyshja janë miq të ngushtë pasi luajnë në të njëjtin ekip, PSG. Mbappe ka postuar një foto të tij me Hakimin në rrjetet e tij sociale menjëherë pas fitores së afrikanëve. Është hera e parë në historinë e Marokut që kalojnë raundin e 1/16-ave. Afrikanët po zhvillojnë një turne fantastik ku kanë pësuar vetëm një gol në 4 ndeshje, edhe ai ishte autogol. Arritën të fitojnë grupin e tyre para gjigantëve europian si Kroacia e Belgjika dhe tashmë presin fituesin e Portugali – Zvicër për ndeshjet çerekfinale.

… @AchrafHakimi pic.twitter.com/fDCyfMI7LM

— Kylian Mbappé (@KMbappe) December 6, 2022