Flamur Ruçi është një nga lojtarët kryesorë të Bylisi. Mesfushori 3 muaj më parë përjetoi një nga humbjet më të mëdha në jetën e tij. Vëllai i tij, Marigleni humbi jetën në Angli, ndërsa Ruçi gjeti forcat për të luajtur ndeshjet me ballshiotët, ndërsa ia dedikoi edhe gola.
Por tashmë vetëm 3 muaj pas kësaj humbjeje, mesfushori i mallakastriotëve ka vendosur ta përjetësojë imazhin e tij në trup. Ruçi ka bërë tatuazh fytyrën e tij në kraharor, ndërsa foton e ka ndarë edhe në rrjetet sociale.
“Derisa të takohemi përsëri…” janë fjalët e zgjedhura nga futbollisti i Bylisit në rrjetet sociale në foton e postuar.
[caption id="attachment_687237" align="alignnone" width="328"] Postimi i Flamur Rucit[/caption]