Finalja e madhe e ditës së nesërme mes Francës dhe Kroacisë do të përmbyllë këtë kampionat Botëror, por mesa duket sfida mes dy kombëtareve Europiane ka filluar para kohe në Twitter.
Federatat e të dyja shteteve kanë "dialoguar" me njëra-tjetrën në rrjetin social me nota humori, si për të ç'tensionuar dhe skuadrat e tyre në prag të përballjes së madhe në Moskë.
"Përshëndetje ekipi i Francës! Thjesht për t'u siguruar, Lilian Thuram nuk është në ekipin tuaj këtë vit apo jo?", ka qenë komenti i parë nga ana e kroatëve, ndërkohë që kundërpërgjigja e "gjelave" nuk vonoi. "Përshëndetje Kroacia! Nëse na premtoni që s'do aktivizoni Davor Shuker kundër nesh, do sigurohemi që Thuram mos të luajë", kanë qenë fjalët e palës franceze.
E gjitha kjo si për të kujtuar përmballjen e të dyja ekipeve në gjysëm-finalen e Botërorit të vitit 1998, ku Franca përmbysi disavantazhin e pjesës së parë të kroatëve, falë dy golave të mbrojtësit Thuram, ndërkohë që për ballkanasit goli ishte shënuar pikërisht nga presidenti aktual i federatës, Davor Shuker.
[gallery columns="1" size="full" ids="257913"]
Lexo gjithashtu
