Pak orë na kanë mbetur nga ndeshja e shumëpritur, Shqipëri-Zvicër që do të luhet në orën 15:00, në stadiumin “Stade Bollaert-Delelis”. Në stërvitjen e djeshme tekniku i përfaqësues Shqiptare ka provuar disa skema taktike në stërvitje, ku pritet që djemtë tanë të luajnë më një formacion 5-4-1. Në portë është i përhershmi Etrit Berisha. Në prapavijë, pritet të luajnë Mavraj-Cana në qendër, ndërsa krahët pritet të mbulohen nga Hysaj në të djathtë dhe Agolli në të majtë. Përpara mbrojtjes me shumë gjasa do të jetë Burim Kukeli i mbështetur nga dyshja Amir Abrashi dhe Taulant Xhaka. Ndërkohë nga krahët do të jenë dyshja e shpejtë Lenjani – Roshi që do të kenë detyrën të shërbejnë sa më shumë për sulmuesin e vetëm që do të jetë në fushë, i cili me shumë mundësi pritet të jetë Armando Sadiku, falë formës së treguar në miqësoret e fundit.
Lexo gjithashtu
