3 golat e shënuar nga Rei Manaj me Barcelonën, janë në qendër të vëmendjes së shtypit botëror. Sulmuesi shqiptar po kalon një formë të jashtëzakonshme dhe këtë e tregon edhe paraqitja e tij në fushën e blertë. Ai arriti të realizonte kundër Gimnastic duke i dhënë sinjale drejtuesve katalanas se ndoshta duhet të projektohet për ekipin e parë.
Interesi për shërbimet e tij është i madh. Dhe së fundmi, siç raporton Gianluca Di Marzio, Sassuolo dhe Venezia janë dy klubet italiane në garë për lushnjarin e kuqezinjve. Fillimisht u përfol për një transferim të mundshëm te Famalicao, por një gjë e tillë me sa duket nuk do të ndodhë. Priten me interes zhvillimet rreth Manajt, sulmuesit më në formë të kombëtares shqiptare.