Kuqezinjtë e Vlorës pasi arritën akordin me mesfushorin japonez Masaki Iinuma, sot kanë përforcuar mesfushën edhe me një tjetër lojtar po nga kampionati malazez. Bëhet fjalë për lojtarin e linjës së djathtë, Balsa Radoviç, i cili është 25 vjeç. Ai ka luajtur sezonin e fundit për Lovcen në Superligën e Malit të Zi, ku ka shënuar 2 gola.
Në karrierën e tij është aktivizuar me grekët e Episkopi në Kategorinë e Dytë dhe me sllovenët e Interblock në Superligë. CV-ja e tij është e pasur, ndërsa do të zëvendësojë Hektor Idrizajn e larguar pak ditë më parë. Me sa duket vlonjatët me tre blerjet e fundit, Fazliu-Iinuma-Radoviç, kanë “riparuar” problemet dhe tashmë do të nisin të mendojnë për repartet e tjera ku parashikohet se ka probleme.
