Humbja me Partizanin ka lënë një shije të hidhur në kampin shkodran teksa vijojnë përgatitjet për ndeshjen e nësërme në Kupë përballë Flamurtarit. Vlonjatët janë kthyer në mace të zezë për kuqeblutë pasi edhe vjet i hapën mjaft probleme. Ndeshja e parë përfundoi 2-1 me fitoren e Flamurtarit duke surprizuar shkodranët.
Tashmë, Vllaznia kërkon të shmangë “turpërimin” dhe do të tentohet vetëm fitorja. Por, edhe kjo do jetë e vështirë pasi mungesat sa vijnë e rëndojnë më shumë ekipin e Josës. Tekniku Tiranas pas mungesave të sigurta të Hakaj dhe Latifi, do të bëjë edhe pa mesfushorët, Heric e Jonuzi.
Heric është kthyer në stërvitje por Josa nuk do të rrezikojë pasi në fundjavë e pret Laçi në një ndeshje tejet të vështrë në Laç. Jonuzi ka pësuar një tërheqje muskulare dhe do të mungojë jo vetëm nesër por edhe ndaj Laçit.
Lexo gjithashtu
