Vora u mposht me rezultatin 2-1 në transfertën përballë Flamurtarit. Një humbje që lë një shije të hidhur tek ekipi i Vorës pas kësaj disfate ndaj një rivali direkt.
Pas kësaj sfide, për mikrofonat e MCN TV, foli trajneri i Vorës, Artan Mërgjyshi.
“Këto ndeshje janë kapriçot e shortit pasi kemi luajtur deri më tani me pretendentet kryesore. Por themi që edhe ne jemi rivalë të denjë edhe pse rezultati nuk ka folur në favorin tonë në dy transferta. Sot episodet nuk ishin në favorin tonë. Ishte një lojë e barabartë që kishte të tre rezultatet brenda. Herë dilnim ne në sulm, herë dilnin kundërshtarët. Ne mbetëm me 10 lojtarë dhe kundërshtari e shfrytëzoi duke përfituar mjaft mirë këtë gjë. Nuk dua të ankohem për gjykimin, por disa faulla disa episode që mund të dukeshin të parëndësishme nuk ishin në favorin tonë. Por kundërshtari duhet vlerësuar për vlerat që ka brenda”, u shpreh tekniku Mërgjyshi.
“Ishim në vështirësi pasi është ndryshe kur je në inferioritet numerik dhe je barazim dhe ndryshe kur je në inferioritet numerik dhe po humbet. Kaq mund të bënim edhe pse ne i treguam aftësitë tona. Kjo ishte një ndeshje e vështirë pasi kundërshtari kishte kualitet”, shtoi më tej trajneri.
“Ne i lexuam pikat e forta të Flamurtarit dhe i kishim studiuar. Gjithsesi duhet të ishim më të qetë për të luajtur ne më shumë me topin dhe vuajtëm presingun e kundërshtarit. Flamurtari në këtë ndeshje kishte dhe dy rikthime në këtë ndeshje. Por gjithsesi ata kanë shumë cilësi brenda skuadrës”, e mbylli fjalën e tij Mërgjyshi.
Lexo gjithashtu
